وه‌زاره‌تی ته‌ندروستی ئاماری كۆرۆنای راگه‌یاند
K24- هه‌ولێر:
وه‌زاره‌تی ته‌ندروستی هه‌رێمی كوردستان، ئه‌مڕۆ یه‌كشه‌ممه (5ی ئه‌یلوول/ سێپتێمبەری 2021) ئاماری كۆرۆنای بڵاوكرده‌وه و به گوێره‌ی ئاماره‌كه‌ش (1679) كه‌س له هه‌رێمی كوردستان تووشی كۆرۆنا بوونه و (17) تووشبووی په‌تاكه‌ش گیانیان له‌ده‌ستداوه.
هه‌ر به‌گوێره‌ی راگه‌یه‌ندراوه‌كه‌ى وه‌زاره‌تی ته‌ندروستی، له‌ماوه‌ی (24) كاتژمێری رابردوودا پشكنینی ڤایرۆسی بۆ (10) هه‌زار و (172) كه‌س ئه‌نجامدراوه و (2127) تووشبووش له په‌تاكه چاكبوونه‌ته‌وه.
