پاسداران لەبارەی "جموجۆڵی چەکداران" لە سنوورەکانی هەرێمی کوردستان هۆشداری دەدات

وەڵامی کوشندەمان دەبێت
سوپای پاسدارانی ئێران - لە ناوچە سنوورییەکان - ئەرشیف
سوپای پاسدارانی ئێران - لە ناوچە سنوورییەکان - ئەرشیف

K24 – هەولێر

سوپای پاسداران رایدەگەیەنێت، "جموجۆڵی چەکداران" لە ناوچە سنوورییەکانی هەرێمی کوردستان – ئێران، هەیە و هۆشداری دەدات لەوەی وەڵامیان دەبێت.

سەردار محەمەد پاکپوور، فەرماندەی هێزی زەمینی سوپای پاسداران هۆشداری دا لە بوونی "جموجۆڵی چەکداری" لە ناوچە سنوورییەکانی هەرێمی کوردستان و ئێران و دەڵێ هەوڵ بۆ شێواندنی ئاسایشی سنووری ئێران دەدەن.

جەختیکردەوە، نابێ رێگە بەو "چەکداران" بدرێت، بە جموجۆڵەکانیان ببنە هەڕەشە بۆ سەر ئاسایشی ئێران.

ئەو فەرماندەیەی سوپای پاسداران ئاماژەی بەوەشداوە، وەڵامی کوشندەمان دەبێت و "خەڵکی ئەو ناوچە سنووریانەی هەرێمی کوردستان دەبێ نزیکی بنکەکانیان نەکەون تاکوو زیانیان بەر نەکەوێت".

سەردار محەمەد پاکپوور، فەرماندەی هێزی زەمینی سوپای پاسداران
سەردار محەمەد پاکپوور، فەرماندەی هێزی زەمینی سوپای پاسداران

سەرچاوە: ئاژانسی هەواڵی مێهر