سلێمانی و گەرمیان لە ژێر هەڕەشەی بێکارەباین
K24 - ههولێر:
بەڕێوەبەرایەتی کارەبای سلێمانی رایگەیاند، بەهۆی دزینی ئاسنی تاوەرەکانی کارەباوە لە سنووری ناحیەی سەنگاو، مەترسی کەوتنی تاوەرەکان و بێ کارەبا بوونی نیوەی سلێمانی و گەرمیان هەیە.
لە راگەیەنراوێکدا بەڕێوەبەرایەتی کارەبای سلێمانی ئاشكرای كرد، "ماوەیەکە لەلایەن کۆمەڵێك کەسی "نەفس نزم"ـەوە لە سنووری ناوچەی سەنگاو ئاسنی ئەو تاوەرانە دەدزرێت، کە کارەبا بۆ سلێمانی و گەرمیان دەگوازێتهوه و جگە لە زیانی ماددیش، کە بە زیاتر لە 200 ملیۆن دینار مەزەندە دەکرێت، مەترسی کەوتنی تاوەرەکان و بێ کارەبا بوونی نیوەی سلێمانی و گەرمیان هەیە."
کارەبای سلێمانی داواش لە لایەنە پەیوەندارەکان دەکات کاری جدی بکەن بۆ بنەبڕکردنی ئەوە دیاردەیە و بەسزاگەیاندنی تاوانباران.
د.ی