حكومه‌تی هه‌رێمی كوردستان ملیارێک و (500) ملیۆن دیناری بۆ قه‌زای رواندز دابینكرد
K24 – هەولێر:
پارێزگاری هه‌ولێر بڕی (1,500,000,000) ملیارێک و پێنج سەد ملیۆن دیناری بۆ به‌ردى بناغه‌ى چه‌ند پڕۆژه‌ىه‌ك له ڕواندز راگه‌یاند.
پارێزگای هه‌ولێر، له په‌یجی فه‌رمی له تۆڕی كۆمه‌ڵایه‌تی فه‌یسبووك رایگه‌یاند، له‌سه‌ر بودجه‌ى پارێزگا و لە چوارچێوەی پرۆژەکانی پەرەپێدانی هەولێر، به‌گوژمه‌ى (1,500,000,000) ملیارێک و پێنج سەد ملیۆن دینار، لە سنووری قەزای ڕواندز دەست بە ئەنجامدانی چه‌ند پڕۆژەیەکی خزمەتگوزاریی كرا.
راشیگه‌یاند، به ئاماده‌بوونى ئومێد خۆشناو، پارێزگاری هەولێر، به‌گوژمه‌ى (450,206,250) چوارسه‌د و په‌نجا ملیۆن و دووسه‌د و شه‌ش هه‌زار و دووسه‌د و په‌نجا دینار، له‌سه‌ر بودجه‌ى په‌ره‌پێدانى پارێزگاى هه‌ولێر، له‌ڕێوره‌سمێكدا، به‌ردى بناغه‌ى پڕۆژه‌ى كۆنكرێتكردنى شه‌قامه ناوخۆییه‌كان له قه‌زاى ڕواندز و به‌ردی بناغه‌ی نۆژه‌نكردنه‌وه و كۆنكریتكردنى چه‌ند شه‌قامێكى لاوه‌كى له سنوورى ناحیه‌ى وه‌رتێ، دانرا.
له‌مباره‌یه‌وه پارێزگارى هه‌ولێر رایگه‌یاند، دەستمان كردووه بە ئەنجامدانی چه‌ند پڕۆژەیەکی خزمەتگوزاریی له رواندز، کە بەشێکیان پرۆژەی تەواو نەکراون و بەشێکی تریشیان پرۆژەی تازەن.
جه‌ختیكرده‌وه، به ڕاسپارده‌ی سه‌رۆكى حكومه‌تى هه‌رێمى كوردستان، به‌و ئیماكانیه‌ته‌ى له به‌رده‌ستماندایه له سنوورى پارێزگاى هه‌ولێر، له ئاینده‌یه‌كى نزیكدا خزمه‌تگوزاریی بگه‌ێنین به‌سه‌رجه‌م گوند و ناحیه و قه‌زاكانى سنوورى پارێزگاكه‌مان.
ك.ب