كازمی: گه‌نده‌ڵان ملیاران دۆلاریان بردووه‌ته‌ ده‌ره‌وه‌ی وڵات

ئه‌و پاره‌یه‌ مافی خه‌ڵكی عێراقه‌ و پێویسته‌ ئه‌و مافه‌ بۆ خه‌ڵكی عێراق بگه‌ڕێته‌وه‌
مسته‌فا كازمی، سه‌رۆك وه‌زیرانی عێراق
مسته‌فا كازمی، سه‌رۆك وه‌زیرانی عێراق

K24 – هه‌ولێر:

سه‌رۆك وه‌زیرانی حكومه‌تی عێراق، مسته‌فا كازمی رایگه‌یاند، گه‌نده‌ڵكاران ملیاران دۆلاری سامانی وڵاتیان ره‌وانه‌ی بانكه‌كانی ده‌ره‌وه‌ی وڵات كردووه‌.

له‌ میانی كۆبوونه‌وه‌ی ئه‌نجوومه‌نی وه‌زیراندا، مسته‌فا كازمی گوتی: دوێنێ له‌ كۆنگره‌ی گێڕانه‌وه‌ی سامانی تاڵانكراوی عێراق به‌شداریم كرد و له‌ ئاستی عه‌ره‌بی و نێوده‌وڵه‌تی جددییه‌تی ئه‌وه‌م بینی، كه‌ ده‌كرێت یارمه‌تیمان بدرێت بۆ گێڕانه‌وه‌ی ئه‌و پاره‌ و سامانه‌.

هه‌روه‌ها گوتی: ئه‌وانه‌ی گه‌نده‌ڵییان كردووه‌، له‌ پێش و دوای 2003 به‌ ملیاران دۆلاریان ره‌وانه‌ی ده‌ره‌وه‌ كردووه‌، ئه‌و پاره‌یه‌ مافی خه‌ڵكی عێراقه‌ و پێویسته‌ ئه‌و مافه‌ بۆ خه‌ڵكی عێراق بگه‌ڕێته‌وه‌.

ئه‌وه‌شی گوت: هیچ سازشێك له‌سه‌ر گێڕانه‌وه‌ی ئه‌و سامانه‌ ناكه‌ین.

سه‌رچاوه‌: نووسینگه‌ی راگه‌یاندنی سه‌رۆك وه‌زیرانی عێراق