سبهی كاروانێك تانكهری بهنزینی عێراقی دهگاته سلێمانی
K24 – ههولێر:
ههڤاڵ ئهبوبهكر، پارێزگاری سلێمانی رایگهیاند، سبهی یهكهم كاروانی بهنزین له لایهن وهزارهتی نهوتی عێراقهوه رهوانهی سلێمانی دهكرێت.
دوای رێككهوتنی وهزارهتی سامانه سرووشتییهكانی حكومهتی ههرێمی كوردستان و وهزارهتی نهوتی عێراق، بڕیاره رۆژانه وهزارهتی نهوتی عێراق زیاتر له ملیۆنێك لیتر بهنزین رهوانهی ههرێمی كوردستان بكات. ئهمه له كاتێكدایه ههرێمی كوردستان رۆژانه پێویستی به زیاتر له 6 ملیۆن لیتر بهنزین ههیه.
ئهو رێككهوتنه دوای ئهوه هات، كه به هۆی زۆری خواست لهسهر بهنزین و كهمی بهرههمی ناوخۆ، نرخی بهنزینی ئاسایی له ههرێمی كوردستان ههر لیترێكی له ههزار دینار نزیك كهوتهوه.
لهو بارهیهوه، پارێزگاری سلێمانی، ههڤاڵ ئهبوبهكر رایگهیاند، دوای هەوڵە بەردەوامەکانی وەزارەتی سامانە سروشتییەکان و پارێزگای سلێمانی و بەڕێوەبەرێتیی نەوت و کانزاکان و دڵسۆزان، بڕیارە سبەینێ یەکەم کاروانی بەنزینی تەرخانکراو لەلایەن وەزارەتی نەوتی عیراقەوە بگاتە سلێمانی، نرخی فرۆشتنی بەهاووڵاتیان بە 690 دینار دیاریکراوە.