کاندیدێك بە تۆمەتی بەکارهێنانی سامانی گشتی دوورخرایەوە
K24 - ههولێر:
بە تۆمەتی بەکارهێنانی سامانی گشتی لە بانگەشەی هەڵبژاردن کاندیدێکی دیکەی هەڵبژاردنی پێشوهختهی عێراق دوورخرایەوە.
جومانە غەلای، گوتەبێژی کۆمیسیۆنی باڵای هەڵبژاردنەکانی عێراق رایگەیاند، بە تۆمەتی بەکارهێنانی سامانی گشتی لە بانگەشەی هەڵبژاردن، کاندیدێکی هاوپەیمانی تەقەدوم، لە پارێزگای سەڵاحەدین، بە ناوی شەعلان کەریم، لە کێبڕکێی هەڵبژاردن دوورخرایەوە.
کۆمیسیۆنی باڵای هەڵبژاردنەکانی عێراق ئاشكرای كرد، تا ئێستا 6 کاندید بە تۆمەتی هەوڵدان بۆ ساختەکاری و کڕینی کارتەکانی دەنگدان دوورخراونەتەوە، بەڵام بۆیان هەیە تانە لە بڕیارەکان بدەن.
د.ی