کوردێك لە پاکستان دەبێتە بەرپرسی مەلەفی سەربازیی باڵیۆزخانەی عێراق
K24 – هەولێر
مەلەفی سەربازیی باڵیۆزخانەی عێراق لە پاکستان بە کوردێک دەسپێردرێت.
عەمید روکن مەسعود ساڵح زاخۆیی، لە دایکبووی 1980ـە و دەرچووی ئەکادیمایی سەربازی زاخۆیە و چەندین ساڵ لە بواری سەربازی خزمەت دەکات.
مەسعود ساڵح زاخۆیی، ماستەر لە زانستی سەربازیی و لە هەمانکاتدا ماستەر لە یاساش هەیە.
لە لێدوانێکدا بۆ کوردستان24، ئەوەی پشتڕاست کردووەتەوە کە وەک بەرپرسی مەلەفی سەربازیی لە باڵیۆزخانەی عێراق لە پاکستان دەستبەکاربووە.