ئاماری ده‌نگدانی ئاواره‌كان له‌ دهۆك تا ئێستا به‌م شێوه‌یه‌یه‌

پێشبینی ده‌كرێت تا داخستنی بنكه‌كانی ده‌نگدان رێژه‌كه‌ به‌رز ببێته‌وه‌
به‌ڕێوه‌چوونی ده‌نگدانی تایبه‌ت له‌ كه‌مپی ئاواره‌كان
به‌ڕێوه‌چوونی ده‌نگدانی تایبه‌ت له‌ كه‌مپی ئاواره‌كان

K24- دهۆك:

له‌ كۆی ئه‌و بنكانه‌ی له‌ هه‌ر چوار بازنه‌ی پارێزگای دهۆك بۆ ده‌نگدانی ئاواره‌كان ده‌ستنیشان كراون‌، رێژه‌ی به‌شداریكردن تا كاتژمێر 5:30 خوله‌كی ئێواره‌ گه‌یشتووه‌ته‌ 59.88%.

به‌ گوێره‌ی زانیارییه‌كانی په‌یامنێری كوردستان 24، پێشبینی ده‌كرێت تا داخستنی بنكه‌كانی ده‌نگدان له‌ كاتژمێر 6:00ی ئێواره‌، رێژه‌كه‌ به‌رز بێته‌وه‌ و بگاته‌ نزیكه‌ی 70%.

له‌ شه‌ش بنكه‌ی ده‌نگدانی ئاواره‌كان له‌ دهۆك، كه‌ له‌ كه‌مپه‌كانی شاریا، خانكێ، باجد كه‌ندالا، قادیا، كه‌په‌رتو 1 و 2، له‌ زاخۆش كه‌مپیه‌كانی چمكشو، بیرسڤی 1 و 2، ده‌ركار، له‌ شێخان له‌ كه‌مپی شێخان، ئیسیان مام ره‌شان و ماملیان، له‌ ئامێدیش داودیه‌، نزیكه‌ی 52 هه‌زار و 259 كه‌س مافی ده‌نگدانیان هه‌یه‌، تا كاتژمێر 5:30 خوله‌ك، ژماره‌ی ئه‌و ده‌نگده‌رانه‌ی ده‌نگیان داوه‌، گه‌یشتووه‌ته‌ 31 هه‌زار و 293 ده‌نگده‌ر، كه‌ ده‌كاته‌ رێژه‌ی 59.88%.

H.B