بارانبارین ده‌ستپێده‌كات

"بۆ رۆژی چوارشه‌ممه‌  كه‌ش و هه‌وا نیمچه‌ هه‌ور ده‌بێت، له‌ گه‌ڵ پێشبینی باران بارینی  نه‌رم"
بارانبارین - ئەرشیف
بارانبارین - ئەرشیف

K24 – هەولێر:

ده‌سته‌ی گشتی كه‌شوهه‌وای عێراق ئه‌مڕۆ دووشه‌ممه‌ (11ـی تشرینی یه‌كه‌م) بڵاویكرده‌وه‌، له‌ رۆژانی داهاتوودا پێشبینی ده‌كرێت باران ببارێت و پله‌كانی گه‌رما داببه‌زن.

له‌ چوارچێوه‌ی به‌یاننامه‌یه‌كی ده‌سته‌ی گشتی كه‌شوهه‌وای عێراق رایگه‌یاند، به‌یانی سێشه‌ممه‌ كه‌ش و هه‌وا هیچ گۆڕانكارییه‌كی به‌سه‌ردا نایه‌ت.

راشیگه‌یاند، بۆ رۆژی چوارشه‌ممه‌  كه‌ش و هه‌وا نیمچه‌ هه‌ور ده‌بێت، له‌ گه‌ڵ پێشبینی باران بارینی  نه‌رم له‌ ناوچه‌ شاخاوییه‌كان و دابه‌زینی پله‌كانی گه‌رما.

ئاماژه‌یپێكرد، بۆ رۆژی هه‌ینی داهاتوو كه‌ش و هه‌وا چه‌ند پله‌یه‌ك به‌رز ده‌بێته‌وه‌، له‌گه‌ڵ هه‌بوونی په‌ڵه‌ هه‌ور له‌ ئاسمانی شاره‌كانی عێراق.

روونیكرده‌وه‌، له‌ ناوچه‌ شاخاوییه‌كانی عێراق ئه‌گه‌ری بارانبارین له‌ ئارادایه‌، وێڕای دابه‌زینی پله‌كانی گه‌رما له‌ رۆژانی داهاتوو.

سه‌رچاوه‌: واع