نرخی نەوت هەڵکشا
K24 – هەولێر
نرخی نەوت بۆ بەرزترین ئاستی چوار ساڵی رابردووەوە بەرزبووەوە.
ئەمڕۆ نرخی نەوت، ژمارەیەکی دیکەی پێوانەیی لە بەرزبوونەوەی تۆمارکرد و نرخی بەرمیلێک نەوتی خاوی برێنت 87 سەنتی دیکە بەرزبووەوە و گەیشتە 85 دۆلار و 73 سەنت، کە ئەمەش بەرزترین نرخە لە ئۆکتۆبەری ساڵی 2018ـەوە تۆمارکرابێت.
هەروەها نرخی نەوتی خاوی تێکساس دۆلارێک و 12 سەنت بەرزبووەوە و گەیشتە 83 دۆلار و 40 سەنت. کە بەرزترین نرخە لە ئۆکتۆبەری ساڵی 2014ـەوە تۆمارکرابێت.
بەگوێرەی ئامارەکان لەماوەی هەفتەیەکدا نرخی نەوتی خاوی برێنت و تەکساس نزیکەی %3 بەرزبووەتەوە.