هه‌واڵگری توركیا كوژرانی سه‌ركرده‌یه‌كی په‌كه‌كه‌ی له كه‌ركووك راگه‌یاند
K24 - هه‌ولێر:
ئاژانسی "ئه‌نادۆڵ"ی توركی بڵاویكرده‌وه، ده‌زگای هه‌واڵگریی نیشتمانیی توركیا كوژرانی سه‌ركرده‌یه‌كی په‌كه‌كه‌ی له كه‌ركووك ئاشكراكرد، كه له ئۆپه‌رسیۆنێكدا ئه‌و سه‌ركرده‌یه‌ی په‌كه‌كه و دوو هاوه‌ڵی دیكه‌ی له‌گه‌ڵ بووه و كراونه‌ته ئامانج.
ده‌زگای هه‌واڵگری توركیا ناسراو به میت رایگه‌یاند، له چوارچێوه‌ی ئۆپه‌راسیۆنێكدا له كه‌ركووك، سه‌ركرده‌یه‌كی په‌كه‌كه‌ی به ناوی "شیلان گویی" و دوو ئه‌ندامی دیكه‌ی په‌كه‌كه‌یان كوشتووه.
به گوێره‌ی زانیارییه‌كان، ئه‌و سه‌ركرده‌یه‌ی په‌كه‌كه، به‌رپرسی ژنانی په‌كه‌كه بووه له چیای گاره، هه‌روه‌ها به گوێره‌ی میدیاكانی توركیا، ئه‌و ژنه له رۆژئاوای كوردستان و مه‌خمووریش كاری كردووه.
