سەرۆک بارزانی پێشوازی لە باڵیۆزی سوید لە عێراق دەکات

"سەرۆک بارزانی سوپاسی وڵاتی سویدی کرد کە هەمیشە لەگەل ئێش وئازاری گەلی کودرستان هاوسۆز بووە"
سەرۆک بارزانی پێشوازی لە باڵیۆزی سوید لە عێراق دەکات
سەرۆک بارزانی پێشوازی لە باڵیۆزی سوید لە عێراق دەکات

K24 - هه‌ولێر:

ڕۆژی شەممە 23ـی تشرینی یەکەمی 2021 لە سەلاحەددین سەرۆک مەسعود بارزانی پێشوازی لە یۆناس لۆڤێن باڵیۆزی نوێی سوید لە عێراق کرد.

لە دیدارەکەدا باڵیۆزی سوید لە عێراق ستایشی ڕۆڵی هێزی پێشمەرگەی کوردستانی کرد لە شەڕی دژی تیرۆر و، پێزانینشی بۆ هەرێمی کوردستان هەبوو بۆ یارمەتیدانی ئاوارە و پەنابەران و لێقەوماوان. باڵیۆزی سوید ئاماژەی بە ڕۆڵی دیاسپۆرای کوردی لە فراوانکردنی پەیوەندییەکانی هەردوولا دا و، هیواشی خواست کە پەیوەندی نێوان وڵاتەکەی و هەرێمی کوردستان لە بواری ئابووری پەرە بستێنێ.

هەر لەو دیدارە دا سەرۆک بارزانی سوپاسی وڵاتی سویدی کرد کە هەمیشە لەگەل ئێش وئازاری گەلی کودرستان هاوسۆز بووە و لە ڕۆژانی تەنگانەدا یارمەتی هاووڵاتیانی کوردستانی داوە. سەرۆک بارزانی وێڕای ئەوەی پێشوازی لە پەرەپێدانی پەیوەندییەکانی هەردوولا کرد، هیوای سەرکەوتنیشی بۆ باڵیۆزی تازەی سوید لە عێراق خواست لە ئەرک و کارەکانیدا.

هەڕەشەی تیرۆر لەسەر سەقامگیری جیهانی و ڕووبەڕووبوونەوەی تیرۆر و توندڕۆیی تەوەرێکی تری ئەو دیدارە بوو.

سەرۆک بارزانی پێشوازی لە باڵیۆزی سوید لە عێراق دەکات
سەرۆک بارزانی پێشوازی لە باڵیۆزی سوید لە عێراق دەکات