عه‌مار حه‌كیم: نیگه‌رانم له زیانه‌كانی لافاوی پارێزگای هه‌ولێر له كوردستانی خۆشه‌ویست
K24 - هه‌ولێر:
عه‌مار حه‌كیم، سه‌رۆكی ره‌وتی حیكمه‌ی نیشمانی رایگه‌یاند، نیگه‌رانم له زیانه‌كانی لافاوی پارێزگای هه‌ولێر له كوردستانی خۆشه‌ویست، زیانی ماددی لێكه‌وته‌وه، ئاماژه‌ی به‌وه‌ش كرد، هاوخەمی خۆمان بۆ ناوچە زیانلێکەوتووەکان دەردەبڕین.
عه‌مار حه‌كیم له تویتێكدا نیگه‌رانییه‌كانی خۆی بۆ لافاوه‌كه‌ی پارێزگای هه‌ولێر ده‌ربڕی و نووسیویه‌تی: "بە نیگەرانییەوە چاودێریی کاریگەرییەکانی شەپۆلی لافاو ده‌كه‌ین، كه لە پارێزگای هەولێر لە کوردستانی خۆشەویستدا درووستبوو و زیانی ماددی لێكه‌وته‌وه".
ئاماژه‌ی به‌وه‌ش كرد، ئێمە هاوخەمی خۆمان بۆ ناوچە زیانلێکەوتووەکان دەردەبڕین و داوا لە دەزگا پەیوەندیدارەکانی حکومەت دەکەین، کە هاوکاری و به‌هاناوه‌چوون بۆ گوندەکان و پارێزگاری ناوچە زیانلێكه‌وتووه‌كان بکەن و رێوشوێن بگرنەبەر بۆ رێگریکردن مه‌ترسیی زیاتر له ناوچه‌كه.
نتابع بقلق آثار موجة السيول التي اجتاحت محافظة #أربيل في #كردستان الحبيبة وخلفت أضرارا مادية جسيمة، ونعبر عن تضامننا مع المناطق المتضررة، وندعو الجهات الحكومية المعنية لتقديم المساعدة وإغاثة القرى والمناطق المحاصرة واتخاذ الإجراءات اللازمة للحيلولة دون تعرض المزيد منها للتهديد.
— Ammar Al-Hakim | عمار الحكيم (@Ammar_Alhakeem) October 30, 2021