كریستیانۆ رۆناڵدۆ په‌یامێك بڵاو ده‌كاته‌وه‌

كریستیانۆ رۆناڵدۆ دوای تۆماركردنی گۆڵه‌كه‌ی له‌ دژی تۆتێنهام. 31 ئۆكتۆبه‌ری 2021
كریستیانۆ رۆناڵدۆ دوای تۆماركردنی گۆڵه‌كه‌ی له‌ دژی تۆتێنهام. 31 ئۆكتۆبه‌ری 2021

كریستیانۆ رۆناڵدۆ له‌ یاریی شه‌وی رابردووی به‌رامبه‌ر تۆتێنهام گۆڵێك و ئاسیستێكی كرد و سه‌ركردایه‌تی یانه‌كه‌ی كرد به‌ بردنه‌وه‌ی له‌ یارییه‌كه‌ به‌ 3 گۆڵی بێبه‌رامبه‌ر.

له‌ دوایی یارییه‌كه‌ی شه‌وی رابردووی نێوان مانچیسته‌ر یونایتد و تۆتێنهام، كریستیانۆ رۆناڵدۆ له‌ لێدوانێكی رۆژنامه‌وانیدا رایگه‌یاند كه‌ هه‌رگیز پێشبینی ئه‌و سه‌ركه‌وتنه‌ گه‌وره‌كه‌ی یانه‌كه‌ی نه‌ده‌كرد.

كریس گوتیشی: ده‌زانم دۆخی مان یونایتد له‌ یارییه‌كانی رابردوو جێگیر نه‌بوو، هه‌ڵبه‌ت ره‌خنه‌یه‌كی زۆرمان لێگیرا، چونكه‌ مان یونایتد یانه‌یه‌كی گه‌وره‌یه‌، به‌ڵام له‌و یارییه‌دا وه‌ڵامێكی خێرامان هه‌بوو كه‌ تێیدا به‌ 3 گۆڵی بێبه‌رامبه‌ر یارییه‌كه‌مان برده‌وه‌.

كریستیانۆ رۆناڵدۆی ئه‌ستێره‌ی پورتوگالی له‌وه‌ته‌ی گه‌ڕاوه‌ته‌وه‌ مان یونایتد له‌ كۆی 10 یاریی 7 گۆڵی كردووه‌.

له‌ به‌شێكی دیكه‌ی قسه‌كانیدا كریس هێمای بۆ ئه‌وه‌ كرد كه‌ ره‌خنه‌كان دڵته‌نگی ناكات، ده‌شڵێت: سرووشتی ژیان به‌وشێوه‌یه‌یه‌، هه‌ندێكجار ئاستێكی به‌رز پێشكه‌ش ده‌كه‌یت و ستایشت ده‌كه‌ن، ئه‌گه‌ر ئاستیش باش نه‌بێت ره‌خنه‌ت ئاراسته‌ ده‌كه‌ن، به‌ڵام من 18 ساڵه‌ یاریزانی پیشه‌گه‌رم و ره‌خنه‌كان نامڕووخێنێت.

كریستیانۆ رۆناڵدۆ له‌ هاوینی رابردوو گرێبه‌سته‌كه‌ی له‌گه‌ڵ یوڤێنتۆس هه‌ڵوه‌شانده‌وه‌ و گه‌ڕایه‌وه‌ بۆ مان یونایتد، دوێنێ به‌ تۆماركردنی گۆڵێك ژماره‌ی گۆڵه‌كانی به‌ درێسی شه‌یتانه‌ سووره‌كان له‌ كۆی 302 یاریی گه‌یانده‌ 125 گۆڵ.

كاردانه‌وه‌ی كریستیانۆ رۆناڵدۆ دوای گۆڵه‌كه‌ی له‌ دژی تۆتێنهام. 30 ئۆكتۆبه‌ری 2021
كاردانه‌وه‌ی كریستیانۆ رۆناڵدۆ دوای گۆڵه‌كه‌ی له‌ دژی تۆتێنهام. 30 ئۆكتۆبه‌ری 2021