سه‌رۆكی ده‌سته‌ی وه‌به‌رهێنان پیرۆزبایی 6 ساڵه‌ی دامه‌زراندنی كوردستان24 ده‌كات

"پیرۆزبایی ئاڕاستەی ھەموو کارمەندان دەکەم"
دامه‌زراوه‌ی میدیایی كوردستان24
دامه‌زراوه‌ی میدیایی كوردستان24

K24- هه‌ولێر:

له‌ په‌یامێكدا سه‌رۆكی ده‌سته‌ی وه‌به‌رهێنان، پیرۆزبایی شه‌ش ساڵه‌ی دامه‌زراندنی كوردستان24 ده‌كات و ئاماژه‌یپێكرد، لە ماوەی شەش ساڵی کارکردنی كوردستان 24،  لە رێگەی بەرنامە و گەشتە ھەواڵیەکان، توانی بینەرێکی یەکجار زۆر لە ناوخۆ دەرەوە کۆبکاتەوە.

ئه‌مه‌ش ده‌قی پیرۆزبایی سه‌رۆكی ده‌سته‌ی وه‌به‌رهێنانه‌:

بۆ دامەزراوەی کوردستان24

ساڵیادی دامەزراندنتان پیرۆز..

بە بۆنەی شەش ساڵ کارکردن و روماڵکردنی کوردستان24 بۆ رووداوەکان و گەیاندنی پەیامی راستەقینەی خەڵک و ھەموو چین و توێژەکان ، پیرۆزبایی ئاڕاستەی ھەموو کارمەندان دەکەم.

کوردستان24 ھەر لەسەرەتای پەخشکردنتان دیدگایەکی جیاواز و پەیامێکی نیشتمانیتان ھەبووە بۆ کوردستان و تەواوی جیھان ، ھەروەھا ھەمیشە پێشەنگ بوونە لە گەیاندنی رووداوەکان ، چ لە ناوخۆ چ لە دەرەوە.

ئەوەی دەمەزراوەی کوردستان 24 لە راگەیاندنەکانی دیکە جیادەکاتەوە پیشەیی بوێرانە رووماڵی رووداوەکانی کردووە، ھەر ئەوەشە وایکردووە لە ناو دامەزراوەکانی حکومەت و کۆمەڵگە بەگشتی بناسرێتەوە.

کوردستان24 لە ماوەی شەش ساڵی کارکردنیدا لەرێگەی بەرنامە و گەشتە ھەواڵیەکانی، توانی بینەرێکی یەکجار زۆر لە ناوخۆ دەرەوە کۆبکاتەوە و ببێتە دەنگ و رەنگی رۆژھەڵات و رۆژئاواو باکوور و باشووری کوردستان، لە ھەمانکاتدا ھەمیشە پرسە نەتەوەیی و نیشتمانییەکان کاری سەرەکییتان بووە.

دووبارە پیرۆزە و بەھیوای سەرکەوتن و کاری باشتر.

د. محەمەد شوکری

سەرۆکی دەستەی وەبەرھێنان