رانیه‌.. له‌ رووداوێكی هاتووچۆدا ئۆتۆمبێلێك كه‌وته‌ به‌نداوی سه‌روچاوه‌‌

به‌ ڤیدیۆ.. به‌رگری شارستانی ئۆتۆمبێله‌كه‌یان ده‌رهێنا، به‌ڵام شوفێره‌كه‌ی خنكاوه‌
به‌رگری شارستانی راپه‌ڕین ئۆتۆمبێلێكیان له‌ به‌نداوی سه‌روچاوه‌ ده‌رهێنا
به‌رگری شارستانی راپه‌ڕین ئۆتۆمبێلێكیان له‌ به‌نداوی سه‌روچاوه‌ ده‌رهێنا

K24 - هه‌ولێر:

به‌رگری شارستانی راپه‌ڕین رایگه‌یاند، به‌ره‌به‌یانی ئه‌مڕۆ دووشه‌ممه‌ (1ی تشرینی دووه‌م/ نۆڤه‌مبه‌ری 2021) ئۆتۆمبێلێك‌ كه‌وتووه‌ته‌ ناو به‌نداوی سه‌رچاوه‌، هه‌رچه‌نده‌ تیمه‌كانیان توانیویانه‌ ئۆتۆمبێلكه‌ له‌ ناو ئاوه‌كه‌ ده‌بهێنن، به‌ڵام شوفێره‌كه‌ی خنكاوه‌.

به‌گوێره‌ی زانیارییه‌كانی په‌یامنێری كوردستان24 شوفێره‌كه‌ ناوی "ئیسماعیل حه‌مه‌د سه‌ردۆڵی"ـه‌ و دانیشتووی شارۆچكه‌ی سه‌روچاوه‌یه‌، دوای ئه‌وه‌ی خۆی كێشاوه‌ به‌ په‌رژینی به‌نداوی سه‌روچاوه‌ له‌ سنووری قه‌زای رانیه‌، په‌رژینه‌كه‌ی شكاندووه‌ و كه‌وتووته‌ ناو به‌نداوه‌كه‌.

ئیسماعیل حه‌مه‌د، دانیشتووی سه‌روچاوه‌ له‌ به‌نداوی سه‌روچاوه‌ خنكا
ئیسماعیل حه‌مه‌د، دانیشتووی سه‌روچاوه‌ له‌ به‌نداوی سه‌روچاوه‌ خنكا

ئاماژه‌ی به‌وه‌ش كرد، تیمه‌كانی به‌رگری شارستانی گه‌یشتوونه‌ته‌ شوێنی رووداوه‌كه‌ و ئۆتۆمبێله‌كیان ده‌رهێناوه‌، به‌ڵام شۆفێرەکەی گیانی لەدەستدا.