جوتیارانی كورد لە سنووری سەرگەڕان رووبەڕووی تەعریب دەبنەوە
K24 - هه‌ولێر:
هێزێكی سه‌ربازی عێراقی له رێگه‌ی لێژنه‌ی كشتوكاڵی پارێزگای كه‌ركووك، هه‌وڵیاندا به زۆر رووپێو بۆ به‌شێك له زه‌وییه‌كانی كشتوكاڵی گوندی گابه‌ڵه‌كی سه‌ر به ناحییه‌ی سه‌رگه‌ڕان ئه‌نجام بده‌ن.
یەکێک لە نوێنەرانی جوتیارانی سنووری سەرگەڕان بە کوردستان24ی راگەیاند، بڕیارە ئەمڕۆ شاندێکی کشتوکاڵی کەرکووک بە پشتیوانی هێزە ئەمنیەکان بچنە گوندی گابەڵەک و 100 دۆنم زەوی جوتیارانی کورد داگیربکەن.
جووتیاره‌كه‌ی سه‌رگه‌ڕان دووپاتیشی کردەوە، کە ئەوان رێگە بە داگیرکردنی ئەو پارچە زەویە لەلایەن عەرەبی هاوردە نادەن.