روانگه‌ی سووری بۆ مافه‌كانی مرۆڤ: هێزێکی ئەمەریکا گه‌یشته حەسەکە
"لە 24 ی مانگی رابردوو کاروانێکی دیكه‌ی 25 ئۆتۆمبێلی هاوپەیمانێتی نێودەوڵەتی، گەیشتە ناوچەی تەل تەمر"
K24 – هه‌ولێر:
روانگه‌ی سووری بۆ مافه‌كانی مرۆڤ بڵاویكرده‌وه، هێزێکی سوپای ئەمەریکا لە ناوچەی ڕمێلانی پارێزگای حەسەکە بڵاوه‌ی پێكرا.
ڕوانگەی سووری رایگه‌یاند، کاروانێکی هاوپەیمانێتی نێودەوڵەتی دژی داعش و سوپای ئه‌مه‌ریكا، کە نزیکەی 40 ئۆتۆمبیلی بارهەڵگر و کەلوپەلی سەربازی بوو، گەیشتووەتە حەسەکە و دێرزوور له باکووری ڕۆژهەڵاتی سوریا.
راشیگه‌یاند، لە 24 ی مانگی رابردوو کاروانێکی دیكه‌ی 25 ئۆتۆمبێلی هاوپەیمانێتی نێودەوڵەتی، گەیشتە ناوچەی تەل تەمر.
