مەزڵووم عەبدی: رووسیا و ئه‌مه‌ریكا دژی هێرشی توركیان
K24 - هه‌ولێر:
فەرماندەی گشتی هیزەکانی سووریای دیموکرات رایگەیاند، رووسیا و ئەمه‌ریکا ئەوانی دڵنیاکردووه‌تەوە لەوەی دژی هەر ئۆپەراسیۆنێک دەوەستنەوە، تورکیا لە رۆژئاوای کوردستان ئەنجامی بدات.
مەزڵووم عەبدی، فەرماندەی گشتی هەسەدە ئاشكرای كرد، ئەگەر تورکیا رەزامەندی لە رووسیا و ئەمه‌ریکا وەرنەگرێت، ناتوانێت هیچ ئۆپەراسیۆنێکی نوێ لە رۆژئاوای کوردستان ئەنجامبدات، بۆیە دەزانن تورکیا هێشتا رەزامەندی وەرنەگرتووە.
فەرماندەی گشتی هیزەکانی سووریای دیموکرات دەشڵێت، رووسیا و ئەمه‌ریکا ئەوانی دڵنیاکردووه‌تەوە لەوەی رێگە بە هیچ ئۆپەراسیۆنێکی نوێی تورکیا نادەن.
