كه‌شناسی: ئه‌مشه‌و له‌ ناوچه‌یه‌كی كوردستان به‌فر ده‌بارێت

پێشبينى ده‌كرێ ئه‌م شه‌و ئاسمانى هه‌رێم په‌ڵه‌هه‌ور بۆ نيمچه‌ هه‌ور بێت
دیمه‌نی به‌فری ئه‌مڕۆی حاجی ئۆمه‌ران
دیمه‌نی به‌فری ئه‌مڕۆی حاجی ئۆمه‌ران

K24 – هه‌ولێر:

بەڕێوەبەرایەتی گشتیی کەشناسی و بوومه‌له‌رزه‌زانی هه‌رێمی كوردستان رایگه‌یاند، پله‌ی گه‌رما زیاتر داده‌به‌زن و ئه‌مشه‌و له‌ ناوچه‌یه‌كی هه‌رێمی كوردستان به‌فر ده‌بارێت.

لە راگەیەندراوێکدا بەڕێوەبەرایەتی کەشناسی رایگەیاند، "پێشبينى ده‌كرێ ئه‌م شه‌و ئاسمانى هه‌رێم په‌ڵه‌هه‌ور بۆ نيمچه‌ هه‌ور بێت و له‌ هه‌ندێ ناوچه‌ هه‌ورى ته‌واوبێت له‌گه‌ڵ بارينى كه‌مێك نمه‌ باران له‌ ناوچه‌كانى رۆژهه‌ڵات (هه‌ڵه‌بجه‌ و پێنجوێن و ده‌وروبه‌رى) باكوورى رۆژهه‌ڵات و به‌شێك له‌ ناوچه‌كانى گه‌رميان و بارينى كه‌مێك نمه‌ باران له‌ ناوچه‌ شاخاويیه‌كانى هه‌ولێر و بارينى كه‌مێك به‌فر له‌ حاجى ئۆمه‌ران.

سه‌باره‌ت به‌ كه‌شوهه‌وای سبه‌ی هه‌ینی (12ی تشرینی دووه‌م/ نۆڤه‌مبه‌ری 2021) به‌ڕێوبه‌رایه‌تییه‌كه‌ پێشبینی كردووه‌، كه‌ ئاسمان نيمچه‌ هه‌ور و په‌ڵه‌ هه‌ور ده‌بێت له‌گه‌ڵ بارينى كه‌مێك نمه‌ باران له‌ ناوچه‌ شاخاویيه‌كانى رۆژهه‌ڵاتى هه‌رێم و پله‌كانى گه‌رما به‌ (2-4) پله‌ نزمتر ده‌بێته‌وه‌ به‌ به‌راورد له‌گه‌ڵ ئه‌مڕۆ".

ئه‌مڕۆ له‌ حاجی ئۆمه‌ران به‌فر باری (11ی 11ی 2021)
ئه‌مڕۆ له‌ حاجی ئۆمه‌ران به‌فر باری (11ی 11ی 2021)