پەیاما بەهیداری یا سەرۆك بارزانی بۆ كۆچكرنا خودێ ژێ رازی پیر خدرێ سلێمان

هه‌ڤسۆزیا خۆ ژبۆ ماڵبات و كه‌سوكارێن كۆچباربوویی نیشاندا
سه‌رۆك مه‌سعود بارزانی
سه‌رۆك مه‌سعود بارزانی

K24- هه‌ولێر:

ب هه‌لكه‌فتا كۆچباربوونا ره‌وشه‌نبیر و نڤیسكار و مامۆستایێ زمان و ئه‌ده‌با كوردی و كه‌ساتیێ دیار یێ جڤاكا ئێزیدیان پیر خدرێ سلێمان، سه‌رۆك مه‌سعود بارزانی په‌یامه‌كه‌ به‌هیداریێ راستی ماڵبات و كه‌سو كارێن خودێ ژێ رازی و ته‌ڤایا نڤیسكار و سازیێن كولتووری و بنگه‌هێ لالش و جڤاكا ئێزدییان كرد.

ئه‌ڤ ته‌كستا به‌هیدارییا سه‌رۆك مه‌سعود بارزانییه‌ ژبۆ وه‌غه‌را داویا پیر خدرێ سلێمان:

ب ناڤێ خودێ مەزن و دلۆڤان

 ب خەم و كۆڤانەكا زۆر مە خەبەرێ وەغەرا داویێ یا ڕۆشەنبیر و نڤیسەر و مامۆستایێ زمان و ئەدەبێ كوردی و، كەسایەتیێ جڤاكا ئێزیدی پیر خدرێ سلێمان بهیست.

ب ڤێ هەلكەفتێ سەرەخۆشی و سەرساخیێ ل ماڵبات و كەسوكارێن پێر خدرێ سلێمان و تەڤایا نڤیسەر و ناوەندێت كولتووری و بنگەهێ لالش و جڤاكا ئێزیدیا دكەین.

ژ خودێ مەزن دخوازین سەبر و هەدارێ بدەتە كەس و كارێن رەحمەتی و، روحا وی شاد بیت و جهێ وی بەهەشتا بەرین بیت.

مسعود بارزانی

15ی 11ی 2021

H.B