دەزگای خێرخوازیی بارزانی تۆڕی خۆبەخشان رادەگەیەنێت
K24 - ههولێر:
دەزگای خێرخوازیی بارزانی له راگهیندراوێكدا ئاشكرای كرد، تۆڕێكی خۆبەخشانیان لە هەموو شار و شارۆچكەیەكی هەرێمی کوردستان دامهزراندووه، كه ههموو كهسێك دهتوانێت بهشداری تێدابكات، بۆ ئهوهی رووبهڕووی ههر قهیرانێكی سرووشتی یان مرۆیی ببنهوه.
له راگهیندراوهكهی دهزگای خێرخوازیی بارزانی-دا هاتووه، هاووڵاتیان دەتوانن لە دەزگای خێرخوازیی بارزانی ببن بە خۆبەخش و هاوکاری هاووڵاتیان لەکاتی روودانی هەر قەیرانێکی سرووشتی یان مرۆیی یان پڕۆژە خزمەتگوزارییەكان بكهن.
روونیشكراوهتهوه، خۆبەخشەکان پێشوەختە بەشداری خول و راهێنانی تایبەت بە وەڵامدانەوەی خێرای قەیرانەکان دەکەن و لە کاتی روودانی هەر قەیرانێکی سرووشتی یان مرۆیی دەزگای خێرخوازیی بارزانی پەیوەندی بەو خۆبەخشانەوە دەکات، بۆ ئەوەی هاوکاربن لە یارمەتیدانی خەڵکی لێقەوماو و زیانمەند.
ئاماژه بهوهش كراوه، ئەگەر ههر كهسێك بیهوێت ببێت بە یەکێک لە خۆبەخشەکانی دەزگای خێرخوازی بارزانی، پێویسته لهم لینكه ناوی خۆی تۆمار بكات.