له‌ شه‌ڕی دوو هاوڕێ یه‌كێكیان گیانی له‌ده‌ست دا

پۆلیسی هه‌ولێر: ئه‌و دوو هاوڕێیه‌ به‌ چه‌قۆ شه‌ڕیان كردووه‌
هێزه‌كانی پۆلیسی هه‌رێمی كوردستان
هێزه‌كانی پۆلیسی هه‌رێمی كوردستان

K24 - هه‌ولێر:

موقه‌ده‌م هۆگر عه‌زیز، گوته‌بێژی پۆلیسی پارێزگای هه‌ولێر رایگه‌یاند، دوو هاوڕێ له‌گه‌ڕه‌كی سێتاقانی هه‌ولێر بووه‌ته‌ شه‌ڕیان و یه‌كێكیان گیانی له‌ده‌ستداوه‌.

گوته‌بێژی پۆلیسی پارێزگاریه هه‌ولێر ئاماژه‌ی به‌وه‌ كرد، دوای ئەوەی هێزەکانی بەڕێوەبەرایەتی پۆلیسی پارێزگای هەولێر لە حاڵەتێکی شەڕکردن لە گەڕەکی سێتاقان ئاگادار کرانەوە، دەستبەجێ گەیشتنە شوێنی رووداوەکە و دەرکەوت کە دوو هاوڕێ بووه‌تە شەڕیان و لە ئەنجامدا یەکێکیان بە ناوی (ش. ج. ص) چەقۆی بەرکەوتووە و گیانی لەدەست داوە.

ئاماژه‌ی به‌وه‌ش كرد، هێزەکانمان لە بەڕێوەبەرایەتی پۆلیسی پارێزگای هەولێر لە ئێستادا لە حاڵەتی لێکۆڵینەوەدان بۆ ئەوەی بکەری سەرەکی تاوانەکە دەستگیر بکرێت و بدرێتە دادگا.