وهزارهتی شارهوانی: تیمێكی زانكۆی هارڤارد 750 شوێنەوار لە هەولێر تۆماردهكات
K24- ههولێر:
ڕاگەیاندنی وەزارەتی شارەوانی و گەشتوگوزار رایدهگهیهنێت، پڕۆژەی ڕووپێوی شوێنەواری لە سنووری دەشتی هەولێر، بە یەكێك لە پڕۆژە گرنگەكانی سێكتەری شوێنەوار لە هەرێمی كوردستان و پارێزگای هەولێر دادەنرێت.
وهزارهتی شارهوانی و گهشتوگوزاری حكومهتی ههرێمی كوردستان رایگهیاند، پڕۆژەی ڕووپێوی شوێنەواری لە سنووری دەشتی هەولێر لە ساڵی 2012ـهوه دەستی پێ كردووە و لە لایەن تیمێكی زانكۆی هارڤاردی ئەمەریكی و بەڕێوەبەرایەتیی شوێنەوار و كەلەپووری هەولێر سەرپەرشتیی دەكرێت و تا ئێستاش 750 شوێنی شوێنەواری تۆماركراون.
وهزارهتی شارهوانی راشیگهیاند، ساڵانە و بۆ ماوەی یەك وەرز تیمێكی شوێنەوارناسانی كورد و زانكۆی هارڤاردی ئەمەریكی بە هاوبەشی ڕووپێوی شوێنەواری ئەنجام دەدەن و وەزارەتی شارەوانی و گەشتوگوزاریش بە مەبەستی بایەخدان بەو كەرتە پاڵپشتی تەواوی پڕۆژە شوێنەوارییەكان دەكات و هاوكارە بۆ سەرخستنی كاری هاوبەشی تیمی شوێنەوارییەكان و بەڕێوەبەرایەتییەكانی شوێنەوار لە پارێزگا و ئیدارە سەربەخۆكان.
روونیكردهوه، پڕۆژەی ڕووپێوی شوێنەواری لە دەشتی هەولێر یەكێكە لە پرۆژە گرنگەكانی سێكتەری شوێنەوار و لە لایەن پڕۆفیسۆری شوێنەوارناس د. جیسن ئوور، سەرۆكی تیمی زانكۆی هارڤارد و بەڕێوەبەرایەتیی شوێنەوار و كەلەپووری هەولێر سەرپەرشتیی دەكرێت، وێڕای بەردەوامی پڕۆژەكە، تاكو ئێستا 750 شوێنی شوێنەواری تۆماركراون و پڕۆژەكە بۆ ساڵانی داهاتوویش بەردەوام دەبێت.