"بنكه‌یه‌كی سه‌ربازی ئه‌مه‌ریكا له رۆژئاوای كوردستان بۆردوومانكرا"
K24 – هه‌ولێر:
ئاژانسی فه‌رمی سووریا بڵاویكرده‌وه، له رێگه‌ی ژماره‌یه‌ك مووشه‌كه‌وه بنكه‌یه‌كی سه‌ربازی ئه‌مه‌ریكایی له فڕۆكه‌خانه‌ی (خه‌راب جیر) له حه‌سه‌كه بۆردوومانكردا.
ئاژانسی هه‌واڵی سانا رایگه‌یاند، 5 مووشه‌ك بنكه‌ی سه‌ربازی فڕۆكه‌خانه‌ی ( خه‌راب جیر)ـی سه‌ربازی كرده ئامانج، كه ئه‌مه‌ریكا وه‌ك بنكه‌یه‌كی خۆی به‌كاری ده‌هێنێت.
ئه‌و ئاژانسه‌ی سووریا زیانه‌كان و ژماره‌ی كوژراو و برینداره‌كانی ئاشكرا نه‌كردووه، له به‌رامبه‌ردا سه‌رچاوه میدیاییه‌كان ئاماژه‌یان بۆ ئه‌وه كردووه، دوای هێرشه‌كه، له رێگه‌ی كۆپته‌ره سه‌ربازییه‌كانی ئه‌مه‌ریكا ده‌ستكراوه به چاودێریكردنی ناوچه‌كه.