گۆڵپارێزه‌ كورده‌كه‌ی ئێران ناوی چووه‌ په‌رتووكی گینس

عه‌لیڕه‌زا بێراوه‌ندی گۆڵپارێزی كوردی هه‌ڵبژارده‌ی ئێران
عه‌لیڕه‌زا بێراوه‌ندی گۆڵپارێزی كوردی هه‌ڵبژارده‌ی ئێران

عەلی رەزا بیرانوەند گۆڵپارێزە کوردەکەی هەڵبژاردەی ئێران ناوی لە پەرتوکی گینس بۆ ژمارە پێوانەییەکان تۆمار کرا.

بیرانوەند لە یاری هەڵبژاردەی وڵاتەکەی بەرامبەر کۆریای باشوور لە پاڵاتنەکانی مۆندیالی 2018 توانی بە دەست تۆپەکەی 61 مەتر و 26 سانتیمەتر هەڵ بدات و، ئەم کارەشی کاردانەوەیەکی زۆری بەدوای خۆیدا هێنا و، دواتریش ناوی لە پەرتوکی گینس بۆ ژمارە پێوانەییەکان تۆمار کرا.

گۆڵپارێزە کوردەکەی رۆژهەڵاتی کوردستان چەندینجاری دیکە بەم شێوەیە تۆپەکانی هاوێشتووە، بەڵام ئەمجارەیان زۆرترین مەودای تۆمار کردووە.

عه‌لی ره‌زا بێرانوه‌ندی ته‌مه‌ن 29 ساڵ، له‌ هاوینی ئه‌مساڵ له‌ یانه‌ی رۆیالی به‌لجیكی به‌ به‌های ملیۆنێك و په‌نجا هه‌زار یۆرۆ به‌ خواستن بۆ یانه‌ی بواڤیستای پورتوگالی گواسترایه‌وه‌.