وڵاتێكی عه‌ره‌بی گه‌شته‌كانی فڕۆكه‌وانی بۆ فه‌ره‌نسا راگرت

به‌ هۆی هه‌ڵكشانی په‌تای كۆرۆنا له‌ وڵاته‌كه‌یدا
فڕۆكه‌یه‌كی هێڵی ئاسمانی مه‌غریب
فڕۆكه‌یه‌كی هێڵی ئاسمانی مه‌غریب

K24 – هه‌ولێر:

حكومه‌تی مه‌غریب بڕیاری دا، گه‌شته‌كانی فڕۆكه‌ بۆ فه‌ره‌نسا رابگرێت، به‌ هۆی هه‌ڵكشانی په‌تای كۆرۆنا له‌ وڵاته‌كه‌یدا.

ئاژانسی ره‌سمی مه‌غریب بڵاویكرده‌وه‌، ده‌سه‌ڵاتی فڕۆكه‌وانی مه‌ده‌نی مه‌غریب سه‌رجه‌م گه‌شته‌كانی بۆ فه‌ره‌نسا و گه‌ڕانه‌وه‌ بۆ مه‌غریب له‌ فه‌ره‌نساوه‌ رابگرێت.

پێشتریش مه‌غریب گه‌شتی فڕۆكه‌وانی له‌گه‌ڵ رووسیا، به‌ریتانیا، هۆڵه‌ندا راگرتبوو به‌ هۆی مه‌ترسییه‌كانی هه‌ڵكشانی په‌تای كۆرۆنا له‌ وڵاته‌كه‌یدا.