لۆكاشینكۆ: ئۆپۆزیسیۆن ده‌یه‌وێت گێره‌شێوێنی درووست بكات

ئۆپۆزیسیۆن ده‌یه‌وێت ده‌ستوور پێشێل بكات و خه‌ڵك خۆپیشاندان بكات
ئه‌لكسه‌نده‌ر لۆكاشینكۆ، سه‌رۆكی بێلاڕووس
ئه‌لكسه‌نده‌ر لۆكاشینكۆ، سه‌رۆكی بێلاڕووس

K24 – هه‌ولێر:

سه‌رۆكی بێلاڕووس، ئه‌لكسه‌نده‌ر لۆكاشینكۆ رایگه‌یاند، هێزه‌ ئۆپۆزیسیۆنه‌كانی وڵاته‌كه‌ی پیلان بۆ تێكدانی سه‌قامگیری وڵات داده‌نێن.

ئه‌مڕۆ پێنجشه‌ممه‌، لۆكاشینكۆ له‌ میانی كۆبوونه‌وه‌ی لیژنه‌ی ده‌ستووردا رایگه‌یاند، ئۆپۆزیسیۆن پیلانی داناوه‌ و ئه‌و پیلانه‌م ناردووه‌ بۆ ئیداره‌ی سه‌رۆكایه‌تی بۆ ئه‌وه‌ی گشتاندنی بۆ بكه‌ن و هه‌مووان ببینن ئۆپۆزیسیۆن خه‌ریكی چییه‌.

گوتیشی: ئه‌وان به‌ دوای پاره‌داركردنی پیلانه‌كه‌یاندا ده‌گه‌ڕێن و جگه‌ له‌وه‌ ناتوانین زیاتر بڵێین.

سه‌رۆكی بێلاڕووس، پیلانی ئۆپۆزیسیۆنی به‌ "بێزراو و قێزه‌ون" وه‌سفكردووه‌.

ئاماژه‌ی به‌وه‌شداوه‌، ئۆپۆزیسیۆن ده‌یه‌وێت ده‌ستوور پێشێل بكات و خه‌ڵك له‌ ماڵ بهێنێته‌ ده‌ره‌وه‌ بۆ سه‌ر شه‌قامه‌كان.