پەیامێك لە سەرۆكی هەرێمی كوردستانەوە
K24 - ههولێر:
نێچیرڤان بارزانی، سهرۆكی ههرێمی كوردستان له پهیامێكدا سەرەخۆشی و هاوخەمی پێشكەش بە خانەوادەی ئەو شەهیدە قارەمانانەی شەوی رابردوو كرد رایگهیاند، بەردەوامیی پەلامار و هێرەشەكانی داعش، پەیامی جددیی ترسناكن و هەڕەشە و مەترسییەكی راستەقینە لە ناوچەكە دەهێنێتەوە ئاراوە.
له پهیامهكهی نێچیرڤان بارزانی-دا هاتووه، هاریكاری و هەماهەنگیی زیاتری نێوان پێشمەرگە و سوپای عێراق بە پشتیوانیی هێزەكانی هاوپەیمانیی نێودەوڵەتی، پێویستییەكی بەپەلەی هەنووكەیی و لەپێشینەیە.
درەنگانی شەوی رابردوو چەکدارانی داعش لە کوڵەجۆ پهلاماری سەنگەرەکانی پێشمەرگەیان دا، دوای رووبەڕووبوونەوە، هێزی پێشمەرگە توانی هێرشەکەی داعش تێکبشکێنن، بەڵام بەهۆی تەقینەوەی بۆمبێك بە هەمەرێکی هێزی پێشمەرگە، 5 پێشمەرگە شەهیدبوون.
دهقی پهیامهكهی نێچیرڤان بارزانی:
سەرەخۆشی و هاوخەمیی قووڵم پێشكەش بە خانەوادەی ئەو شەهیدە قارەمانانەی شەوی رابردوو دەكەم، كە لە كاتی بەهانەوەچوونی هاوسەنگەرانی پێشمەرگەیاندا لە سنووری كوڵەجۆ شەهید بوون و گیانیان بەخشی.
لە خوای مەزن داواكارم گیانیان بە بەزەیی و میهرەبانیی خۆی شاد بكات و سەبووری و ئارامی بە خانەوادە و كەسوكاری سەربەرزیان ببەخشێت. هیوای زووچاكبوونەوە بۆ پێشمەرگە بریندارەكان دەخوازم.
فراوانبوون و بەردەوامیی پەلامار و هێرەشەكانی داعش، پەیامی جددیی ترسناكن و هەڕەشە و مەترسییەكی راستەقینە لە ناوچەكە دەهێنێتەوە ئاراوە. بۆیە هاریكاری و هەماهەنگیی زیاتری نێوان پێشمەرگە و سوپای عێراق بە پشتیوانیی هێزەكانی هاوپەیمانیی نێودەوڵەتی، پێویستییەكی بەپەلەی هەنووكەیی و لەپێشینەیە.
داوا دەكەین میكانیزمی ئەو هەماهەنگییە لەنێوان لایەنە پەیوەندارەكانی هەرێمی كوردستان و حكومەتی فیدراڵی عێراقدا بە هاوبەشی و پشتیوانیی هێزەكانی هاوپەیمانیی نێودەوڵەتی كاراتر و فراونتر بكرێت و پێكەوە بە هەموو هێز و توانایەكەوە بەرەنگاری تیرۆرستانی داعش و هەڕەشە و مەترسییەكانی ببینەوە.
نێچیرڤان بارزانی
سەرۆكی هەرێمی كوردستان
2021/11/28