ئه‌و پیاوه‌ی گه‌ڕه‌كێكی هه‌ولێری هه‌راسانكردبوو ده‌ستگیركرا

دوای ئه‌وه‌ی هاوسه‌ره‌كه‌ی به‌ دوو گوللـه‌ زامداركرد له‌لایه‌ن پۆلیسه‌وه‌ ده‌ستگیركرا
پۆلیسی هه‌ولێر ده‌ستگیركردنی تۆمه‌تبارێكی راگه‌یاند
پۆلیسی هه‌ولێر ده‌ستگیركردنی تۆمه‌تبارێكی راگه‌یاند

K24- هه‌ولێر:

له‌ راگه‌یه‌ندراوێكدا به‌ڕێوه‌به‌رایه‌تی پۆلیسی پارێزگای هه‌ولێر ده‌ستگیركردنی كه‌سێكی له‌ گه‌ڕه‌كێكی ئه‌و شاره‌ راگه‌یاند، كه‌ خه‌ڵكی گه‌ڕه‌كه‌كه‌ی هه‌راسانكردبوو و ده‌ستیش به‌سه‌ر چه‌كی به‌كارهاتوو و چه‌ند كه‌لوپه‌لێكدا گیرا.

له‌ راگه‌یه‌ندراوه‌كه‌ی پۆلیسی هه‌ولێردا هاتووه‌، پاشنیوه‌ڕۆی ئه‌مڕۆ دوای بیستنی دەنگی تەقە لە گەرەکی سەرکارێز، دەست بەجێ ھێزەکانیان لە بنکەی پۆلیسی باداوە و بنکەی پۆلیسی سەروەران گەیشتنە شوێنی رووداوه‌كه‌ و کەسی تەقەکەریان بەناوی (ھ.ع.ق)ـیان دەستگیر کرد.

راگه‌یه‌ندراوه‌كه‌ ئاماژه‌ی به‌وه‌شداوه‌، كه‌سی تۆمه‌تبار هاوسه‌ری خۆی بە دوو گوولە زامدار کردبوو و هێزه‌كانی پۆلیس دەستیان بەسەر چه‌كی به‌كارهاتوو له‌ جۆری کلاشینکۆف، دەمانچە و چەقۆیەكدا گرت و خێزانەکەشی گواسترایەوە بۆ نەخۆشخانە.

پۆلیس جه‌ختیشیكرده‌وه‌، به‌مه‌به‌ستی گرتنه‌به‌ری رێكاری یاسایی له‌باره‌ی ئه‌و رووداوه‌، په‌ڕاوی لێكۆڵینه‌وه‌ بۆ تۆمەتباری ناوبراو كرایه‌وه‌.

ئه‌و تۆمه‌تباره‌ی هاوسه‌ره‌كه‌ی به‌ دوو گوللـه‌ زامدار كرد و له‌لایه‌ن پۆلیسه‌وه‌ ده‌ستگیركرا
ئه‌و تۆمه‌تباره‌ی هاوسه‌ره‌كه‌ی به‌ دوو گوللـه‌ زامدار كرد و له‌لایه‌ن پۆلیسه‌وه‌ ده‌ستگیركرا
ئه‌و چه‌ك و كه‌لوپه‌لانه‌ی له‌لایه‌ن پۆلیسه‌وه‌ ده‌ستیان به‌سه‌رداگیرا
ئه‌و چه‌ك و كه‌لوپه‌لانه‌ی له‌لایه‌ن پۆلیسه‌وه‌ ده‌ستیان به‌سه‌رداگیرا

 

H.B