نرخی نەوت بەرزبووەوە

K24 - هەولێر

سەرەڕای مەترسییەکانی ئۆمیکرۆن لەسەر گەشەی ئابووری جیهان، بەڵام نرخی نەوت لە مامەڵەکانی ئەمڕۆ پێنجشەممەدا بەرزبووەوە.

نرخی بەرمیلێک نەوتی خاوی برێنت لە گرێبەستەکانی داهاتووی بەرێژەی 0.76% بۆ 76.41 دۆلار بەرزبووەوە، نرخی بەرمیلێک نەوتی رۆژئاوای تێکساسیش بە رێژەی 0.91% بۆ 73.03 دۆلار بەرزبووەوە.

لەگەڵ ئەوەشدا تاوەکو ئێستا مامەڵەکاران بە هۆشیارەوە مامەڵە دەکەن، رێوشوێنی وڵاتان بە سەپاندنەوە قەدەغەی هاتووچۆ و رێکارەکان بۆ بەرەنگاربوونەوەی باڵی بەسەر بازاڕەکان کێشاوە، بە تایبەت دوای ئەوەی بەریتانیا داوای لە هاووڵاتییانی کردووە لە ماڵەوە کارەکانیان بکەن، لە دانیمارکیش جارێکی دیکە چێشتخانە و یانە و قوتابخانەکان داخران. چینیش گەشتی بە گرووپی قەدەغەکرد.