دیداری تایبه‌تی سەنتەری توێژینەوە و راپرسی كوردستان24 له باره‌ی دۆخی شنگال به‌ڕێوه‌ده‌چێت
K24 - دهۆك:
سه‌نته‌ری توێژینه‌وه و راپرسی دامەزراوەی كوردستان24، دیدارێكی تایبه‌ت له باره‌ی پرسی شنگال و ناوچه كوردستانییه‌كان له دهۆك بەڕێوەدەبات، كه چه‌ندین كه‌سایه‌تی و چاودێری سیاسی و توێژه‌ری بواره‌كه، به‌شداری تێدا ده‌كه‌ن.
دیداره‌كه به ناوونیشانی "پرسی نه‌ته‌وه و خاك: شنگال و ناوچه كێشه له‌سه‌ره‌كان له نێوان هه‌رێمی كوردستان و حكومه‌تی فیدراڵدا"، به‌ڕێوه‌ده‌چێت، تێیدا هۆكاره‌كانی ئاسایی نه‌كردنه‌وه‌ی دۆخی ئەو ناوچانە ده‌خرێنه‌ڕوو، كه بۆچی تا ئێستا ئاواره‌كان نه‌یانتوانیوه بگه‌ڕێنه‌وه ناوچه‌كانیان.
به گوێره‌ی كارنامه‌ی دیداره‌كه، دیارده‌ی تیرۆر و گۆڕینی دیمۆگرافیای ئه‌و ناوچانه باسیان لێوه‌ده‌كرێت.
دیداره‌كه کاتژمێر 3ی دوای نیوەڕۆی ئه‌مڕۆ یه‌كشه‌ممه، 12ی كانوونی یه‌كه‌م/ دیسه‌مبه‌ری 2021، له هۆڵی هۆتێل په‌روه‌ر له دهۆك به‌ڕێوه‌ده‌چێت.