نرخی نەوت زیاتر دادەبەزێت

K24 - هەولێر

نرخی نەوت لە مامەڵەکانی ئەمڕۆ چوارشەممە بۆ سێیەم رۆژ لەسەر یەک دابەزی، کە پێشبینی دەکەن گەشەی خستنەڕوو بەرزتر بێت لە گەشەی خواست، سەرەڕای ئەوە کە پێشبینی ناکرێت ئۆمیکرۆن کاریگەرییەکی ئەوتۆی وەک گۆراوەکانی دیکەی کۆرۆنا لەسەر ئابووری جیهان هەبێت.

نرخی گرێبەستەکانی داهاتووی نەوتی خاوی برێنت بە رێژەی 1% بۆ 72.99 دۆلار بۆ هەر بەرمیلێک دابەزی.

هەروەها نرخی بەرمیلێک نەوتی رۆژئاوای تێکساسیش بە رێژەی 1.2% بۆ 69.91 دۆلار دابەزی.

هەردوو جۆری نەوتەکە، لە دوێنێوە زیاتر لە دۆلارێکیان لەدەستداوە.