نرخی نەوت بەرزدەبێتەوە

K24 - هەولێر

نرخی نەوت لە مامەڵەکانی ئەمڕۆ پێنجشەممە بەرزبووەوە، هۆکاری ئەو بەرزبوونەوەیەش زیادبوونی خواستی بەکاربردنە لە ئەمەریکا و وڵاتانی دیکە.

 کەمبوونەوەی یەدەگی نەوتی ستراتیجی ئەمەریکا لە کاتێکدا، مەترسی دەرهاویشتەکانی کۆرۆنا باڵی بەسەر بازاڕەکاندا کێشاوە.

نرخی گرێبەستەکانی داهاتووی نەوتی خاوی برێنت بە رێژەی 0.72% بۆ 74.42 دۆلار بۆ هەر بەرمیلێک بەرزبووەوە.

هەروەها نرخی گرێبەستەکانی داهاتووی نەوتی سووکی تێکساس بە رێژەی 0.96% بۆ 71.61 دۆلار بۆ هەر بەرمیلێک بەرزبووەوە.

ئەمە لە کاتێکدایە بە گوێرەی داتاکانی فەرمانگەی وزەی ئەمەریکا، یەدەگی نەوتی خاوی ئەمەریکا لە کۆتایی هەفتەی رابردوو بۆ 4 ملیۆن و 600 هەزار بەرمیل نەوتی رۆژانە بەرزبووەتەوە.

شارەزیان پێیان وایە، هۆکاری ئەو بەرزبووەنەوە بۆ بەرزبوونەوەی خواست بۆ نەوت لە ئەمریکا و وڵاتانی دیکە دەگەڕێتەوە، کە پێشبینی دەکەن بەهۆی پشووەکانی سەری ساڵ خواست بۆ گەشتکردن زیادبکات. بەڵام تاوەکو ئێستا مەترسییەکان لە دەرهاویشتەکانی ئۆمیکرۆن ماوە، ئەوەش وایکردووە دەستکەوتەکانی بازاڕی نەوت سنووردار بێت.