له‌سه‌ر به‌كارهێنانی جلی ژێره‌وه‌ی ئافره‌تان وه‌ك ده‌مامك له‌ فرۆكه‌كه‌ كرایه‌ ده‌ره‌وه‌

به‌هۆی ئه‌و ره‌فتاره‌وه‌ رێگه‌ی گه‌شتكردنی پێ نه‌درا
ئادەم جێنی، ئه‌و پیاوه‌ ئه‌مه‌ریكییه‌ی له‌سه‌ر به‌كارهێنانی جلی ژێره‌وه‌ی ئافره‌تان وه‌ك ده‌مامك رێگه‌ی كه‌شتكردنی پێ نه‌درا
ئادەم جێنی، ئه‌و پیاوه‌ ئه‌مه‌ریكییه‌ی له‌سه‌ر به‌كارهێنانی جلی ژێره‌وه‌ی ئافره‌تان وه‌ك ده‌مامك رێگه‌ی كه‌شتكردنی پێ نه‌درا

K24- هه‌ولێر:

پیاوێك لە ئەمەریکا لەسەر بەکارهێنانی پارچەیەك جلی ژێرەوەی ژنان وەك دەمامك لە فڕۆکەی گەشتەکەی دەکرێتە دەرەوە.

بە گوێرەی هەواڵێکی وێبسایتی "سکای نیوز"، ئادەم جێنی، پیاوێکی تەمەن 38 ساڵە و لە گەشتێکی ئاسمانید کە لە فڕۆکەخانەی "فۆرت لاودەردەیل"ـەوە بەرەو واشنتن بەڕێدەکەوت، پارچەیەك جلی ژێرەوەی ژنانی وەك دەمامك بەکارهێنا.

ئادەم لەسەر ئەم ره‌فتاره‌ی لەلایەن کارمەندێکی فڕۆکە گەشتیاریەکەوە داوای لێکرا بچێتە دەرەوە و رێگەی پێنه‌درا گەشتەکەی ئەنجام بدات.

ئەو پیاوە 38 ساڵییە لەبارەی ئەو مامەڵەیەی لە فڕۆکەکەدا لەگەڵی کراوە، گوتی: "هیچ شتێك لەوە بێماناتر نییە کە ناچارمان دەکەن تا بەرزبوونەوی فڕۆکەکە دەمامك لەدەم بکەین و دواتر رێگەمان پێدەدەن بە ویستی خۆمان خواردن داوا بکەین و دەمامکەکان لاببەین".

H.B