كچه‌ مۆدێلێك به‌هۆی جوانییه‌كه‌یه‌وه‌ بانگهێشتی ئاهه‌نگێكی هاوسه‌رگیری نه‌كرا

K24 - هه‌ولێر:

كچه‌ مۆدێلێك له‌ تۆڕه‌ كۆمه‌ڵایه‌تییه‌كانه‌وه‌ بڵاویكرده‌وه‌، كه‌ له‌لایه‌ن كچه‌ هاوڕێیه‌كی خۆی بۆ ئاهه‌نگی هاوسه‌رگیرییه‌كه‌ی بانگهێشتی نه‌كردووه‌، ئه‌وه‌ش له‌به‌ر ئه‌وه‌ی ئه‌و جله‌ی بۆ ئاهه‌نگه‌كه‌ دیاریكردووه‌، زۆر جوان ده‌ركه‌وتووه‌.

كچه‌ مۆدێلێكی نمایشی جلوبه‌رگ به‌ ناوی "ئه‌لینا یه‌لدز"، كه‌ دانیشتووی "هادلبێرگ"ی ئه‌ڵمانیایه‌ رایگه‌یاند، تووشی سه‌رسوڕمان بووه‌، كاتێك هه‌واڵی شوكردنی هاوڕێكه‌ی بیستووه‌، دواتر پێی گوتووه‌‌ داوه‌تنامه‌كه‌ی بۆ "ئه‌لینا" كێشاوه‌ته‌وه‌.

@alenayildiz

@zehralijk antworten 😂😂

♬ You Right - Doja Cat & The Weeknd

هۆكاره‌‌ی بانگهێشتنه‌كردنه‌كه‌، جوانی ئه‌لینا بووه‌ به‌ جلوبه‌رگه‌كانیه‌وه،‌ وه‌ك هاوڕێكه‌ی پێیگوتووه‌، ئه‌و كچه‌ نمایشكاره‌ هه‌واڵه‌كه‌ی له‌ تیك تۆك بڵاوكرده‌وه‌، كه‌ زیاتر له‌ شه‌ش ملیۆن كه‌سی بینیویه‌تی، ده‌شڵێت هه‌ر چه‌نده‌ هه‌ست ده‌كات له‌لایه‌ن هاوڕێكه‌یه‌وه‌ ناپاكی له‌گه‌ڵ كراوه‌، به‌ڵام ئه‌و جلوبه‌رگه‌كه‌ی خۆی خۆشده‌وێت.