داهێنانێکی نوێ.. پاسپۆرتی ڤاکسین دەکرێتە جەستەوە
K24 -هەولێر:
کۆمپانیایەک هەستاوە بە دروستکردنی مایکرۆچیپێک کە دەکرێتە جەستەوە و دۆکیومێنتی وەرگرتنی ڤاکسینی کۆڤید-19 پشتراست دەکاتەوە.
بە گوێرەی هەواڵێکی وێبسایتی "kkyr"، کۆمپانیای "Epicenter" بە بەکارهێنانی تەکنەلۆجیایەکی نوێ مایکرۆچیپێکیان دروستکردووە کە دەتوانێت لەبری پاسپۆرتی ڤاکسینی کۆڤید-19 بەکاربهێندرێت.
مایکرۆچیپەکە هێندەی دەنکە برنجێک دەبێت و دەکرێتە جەستەوە و زانیاری تایبەت بە وەرگرتنی ڤاکسینی کۆرۆنا هەڵدەگرێت و لەسەر ئامێرەکانی سکانکردنی پاسپۆرتی ئەلکترۆنی کار دەکات.
مایکرۆچیپەکە دەتوانرێت لە جەستە دەربهێدرێت و بۆ هەتا هەتایی نییە، بەڵام ئامانج لە دروستکردنی ئەم پارچە ئەلکترۆنییە کەمکردنەوەی پێداویستیەکانی وەک ناسنامە و زانیاری هەژماری بانکی و چەند شتێکی ترە، ئێستا کار لەسەر ئەوە دەکرێت تەواوی زانیارییە کەسییەکان لەو مایکرۆچیپەدا جێ بکرێتەوە.
H.H