هه‌ڵه‌بجه‌ به‌ زیاتر له‌ 427 ملیۆن دینار كۆمه‌كی زیانلێكه‌وتووانی هه‌ولێر ده‌كات

وه‌ك وه‌فایه‌ك بۆ خه‌ڵكی هه‌ولێر
راگه‌یاندنی كۆتایی هه‌ڵمه‌ته‌كه‌
راگه‌یاندنی كۆتایی هه‌ڵمه‌ته‌كه‌

K24 – هه‌ولێر:

له‌ هه‌ڵه‌بجه‌ و شاره‌زوور و هه‌ورامان، مامۆستایانی ئایینی و كه‌سایه‌تییه‌كانی ناوچه‌كه‌ كه‌مپینی وه‌فایان بۆ هه‌ولێر راگه‌یاند و 427 ملیۆن و 250 هه‌زار دیناریان كۆكرده‌وه‌.

مامۆستایانی ئایینی رێكخه‌ری هه‌ڵمه‌ته‌كه‌
مامۆستایانی ئایینی رێكخه‌ری هه‌ڵمه‌ته‌كه‌

له‌ لێدوانێكدا بۆ رۆژنامه‌نووسان، رێكخه‌رانی هه‌ڵمه‌ته‌، رایانگه‌یاند، ئه‌وان وه‌ك ئه‌ركێكی ئایینی و مرۆیی و نیشتمانی ئه‌و هه‌ڵمه‌ته‌یان رێكخستووه‌، به‌ مه‌به‌ستی كۆمه‌ك كردنی زیانلێكه‌وتووانی لافاوه‌كه‌ی هه‌ولێر.

345

به‌ گوێره‌ی لێدوانی رێكخه‌رانی كه‌مپینه‌كه‌، له‌و بڕه‌ پاره‌یه‌ی كۆكراوه‌ته‌وه‌، 400 ملیۆن دیناری له‌ لایه‌ن كه‌سایه‌تی هه‌ڵه‌بجه‌، ئاسۆی حاجی محه‌مه‌دی بامۆكی به‌خشراوه‌.

جیاكردنه‌وه‌ و ژماردنی پاره‌ی به‌خشراو
جیاكردنه‌وه‌ و ژماردنی پاره‌ی به‌خشراو

ئه‌م هه‌ڵمه‌ته‌ وه‌ك وه‌فایه‌ك بۆ خه‌ڵكی هه‌ولێر دێت، كه‌ له‌ دوای تاوانی كیمیاییبارانی شاری هه‌ڵه‌بجه‌ و شاره‌زوور و هه‌ورامان له‌ 16ی ئازاری 1988، به‌شێك له‌ خه‌ڵكی ناوچه‌كه‌ ره‌وانه‌ی كۆمه‌ڵگه‌ زۆره‌ملێ نشینه‌كانی گرده‌چاڵ و به‌رحوشتر له‌ سنووری هه‌ولێر كران و ئه‌و سه‌رده‌مه‌ خه‌ڵكی خێرخوازی هه‌ولێر كۆمه‌كی لێقه‌وماوانی هه‌ڵه‌بجه‌یان كرد و بۆ ماوه‌ی نزیكه‌ی 2 ساڵ به‌ شێوه‌یه‌كی رۆژانه‌ و به‌رده‌وام خواردن و پێداویستییه‌ سه‌ره‌كییه‌كانیان ده‌گه‌یانده‌ هاووڵاتیانی لێقه‌وماو.

كۆتایهاتنی هه‌ڵمه‌ته‌كه‌
كۆتایهاتنی هه‌ڵمه‌ته‌كه‌