شاروشارۆچكه‌كان له كۆمه‌ككردنی خه‌ڵكی هه‌ولێر به‌رده‌وامن
K24 – هەولێر:
کۆمەک و یارمەتیەکانی خەڵکی هه‌ڵه‌بجه، کەرکووک، چەمچەماڵ و قوتابخانەى فاخیر مێرگەسۆرى راده‌ستی پارێزگای هه‌ولێر كران.
سكرتێری رۆژنامه‌نووسی پارێزگاری هه‌ولێر رایگه‌یاند، سەرلەبەیانى ئەمڕۆ شەممە 25 كانوونی یه‌كه‌م/ دیسێمبه‌ری 2021 ، ئومێد خۆشناو، پارێزگاری هەولێر، کۆمەک و هاوکارییەکانى خەڵکى هه‌ڵه‌بجه، کەرکووک، چەمچەماڵ و قوتابخانەى فاخیر مێرگەسۆرى وه‌رگرت، كه لەماوەى چەند رۆژى رابردوودا بەمەبەستى هاوکاریکردن و یارمەتیدانى زیانلێکەوتووانى لافاوەکەى هەولێر، کەمپینیان راگەیاندبوو.
سكرتێری رۆژنامه‌نووسی پارێزگاری هه‌ولێر راشیگه‌یاند، "وێڕای بەگەرمى بەخێرهێنانیان بۆ شارى هەولێر، دەستخۆشی لە خەڵکى بەئەمەکى هه‌ڵه‌بجه، شاره‌زوور، هه‌ورامان، کەرکووک، چەمچەماڵ و قوتابخانەى فاخیرمێرگەسۆرى کرا و هیوای بەردەوامی لە کارە خێرخوازیی و مرۆییەکانیان بۆ خواستن".
پارێزگاری هه‌ولێر ڕایگەیاند: "هاتنتان و راگەیاندنى کەمپین بۆ هاوکاریکردنى زیانلێکەوتووانى لافاوه‌كه‌ى هه‌ولێر کارێکى گەورە و لەبیرنەکراو و مایەى شانازییە، ئەوەى کردووتانە پەیامێکى نیشتمانی گەورەیە بۆ لێقەوماوانى هەولێر، سوپاستان دەکەین".
