تەرمی 16 کۆچبەر گەیشتەوە هەولێر
K24 – هەولێر
بەرەبەیانی ئەمڕۆ تەرمی 16 کۆچبەر لە رێگەی فڕۆکەخانەی نێودەوڵەتی هەولێر گەیشتەوە هەرێمی کوردستان.
ئەو کۆچبەرانە مانگی رابردوو بەهۆی تێکشکانی یەختێک لە کەناڵی ئاوی ئینگلیز لە نێوان فەرەنسا و بەریتانیا خنکان.
دوای رووداوەکە لەسەر ئەرک و راسپاردەی مەسرور بارزانی سەرۆکی حکومەتی هەرێمی کوردستان، نوێنەرایەتی حکومەت لە فەرەنسا و یەکێتی ئەوروپا هەوڵەکانیان خستەگەڕ بۆ گرتنەبەری رێکارەکانی هێنانەوەی تەرمەکان.
لە 24/11/2021، یەختێک لە کەناڵی ئاوی ئینگلیز لەنێوان فەرەنسا و بەریتانیا نقومی ئاو بوو، بەو هۆیەوە 16 ژمارەیەک کۆچبەر خنکان لەنێویاندا 16 کۆچبەر کورد بوون.