بومەلەرزە ناوچەیەکی کوردستانی هەژاند
K24 - هەولێر:
وەزارەتی گواستنەوە و گەیاندنی عێراق رایگەیاند، بومەلەرزەیەک بە گوڕی 3 پلەی رێختەر باشووری رۆژئاوای قەزای کفری هەژاند.
لە راگەیەندراوەکەی وەزارەتی گواستنەوە و گەیاندنی عێراقدا هاتووە "ئەمڕۆ 27ـی کانوونی دووەمی 2021، بومەلەرزەیەک بە گوڕی 3 پلەی رێختەر لە دووری 34 کیلۆمەتر لە باشووری رۆژئاوای قەزای کفری، تۆمار کرا".
ئاماژە بەوەش دراوە، کە بومەلەرزەکە لەلایەن دانیشتوانی ناوچەکەوە هەستی پێنەکراوە.