نرخی نەوت لە 80 دۆلار نزیک دەبێتەوە
K24 - هەولێر
نرخی نەوت لە مامەڵەکانی ئەمڕۆ چوارشەممەیدا بۆ شەشەمین رۆژی مامەڵەکردن لەسەریەک بەرزبووەوە.
لەسەر ئاستی مامەڵەکاندا نرخی نەوتی خاوی برێنت لە گرێبەستەکانی داهاتووی بە رێژەی 0.3% بۆ 79.17 دۆلار بۆ هەر بەرمیلێک بەرزبووەوە.
نرخی بەرمیلێک نەوتی سووکی رۆژئاوای تێکساسیش لە گرێبەستەکانی داهاتووی بەرێژەی 0.3% بۆ 76.19 دۆلار بۆ هەر بەرمیلێک بەرزبووەوە. بەمەش هەردوو جۆر نەوتی خاو لە بەرزترین ئاستەکانی مانگی رابردوویان مامەڵەیان پێوەدەکرێت.
بەمەش توانیویانە تا رادەیەک قەرەبووی زیانەکانی کۆتایی مانگی رابردوویان بکەنەوە، کە بەشێوەیەکی بەرچاو دابەزی.
لەگەڵ ئەوەشدا، بەریتانیا و فەرەنسا، رێوشوێنی توندیان بۆ رێگری کردن لە تەشەنەسەندنی ئۆمیکرۆن گرتووە بەر، هەروەها بەهۆی ئەو پەتایەوە هەزاران گەشتی ئاسمانی هەڵوەشاونەتەوە.