ئه‌نادۆڵ: له‌ گاره‌ 9 چه‌كداری په‌كه‌كه‌ كراونه‌ته‌ ئامانج

له‌ باكووری سووریاش هه‌شت چه‌كداری یه‌په‌گه‌ كراونه‌ته‌ ئامانج
سوپای توركیا
سوپای توركیا

K24 – هه‌ولێر:

ئاژانسی هه‌واڵی ئه‌نادۆڵی فه‌رمی توركیا بڵاویكرده‌وه‌، له‌ ئاكامی ئۆپراسیۆنێكی سوپای توركیا له‌ ناوچه‌ی گاره‌ی سه‌ر سنوور 9 چه‌كداری په‌كه‌كه‌ كوژراون.

ئاژانسه‌كه‌ له‌ زاری سه‌رچاوه‌یه‌كی ئه‌منییه‌وه‌ بڵاویكردووه‌ته‌وه‌، ئۆپراسیۆنه‌كه‌ به‌ هاوبه‌شی له‌ نێوان هه‌واڵگری توركیا و سوپادا ئه‌نجامدراوه‌ و ژماره‌یه‌ك چه‌كداری په‌كه‌كه‌ كراونه‌ته‌ ئامانج، كه‌ پشتڕاست كراوه‌ته‌وه‌ 9یان كوژراون.

پێشتریش وه‌زاره‌تی به‌رگری توركیا، رایگه‌یاندبوو، له‌ ناوچه‌كانی باكووری سووریا، له‌ ئاكامی بۆردومانێكی فڕۆكه‌كانی توركیا، توانراوه‌ 8 چه‌كداری سه‌ر به‌ یه‌په‌گه‌، كه‌ توركیا به‌ باڵی په‌كه‌كه‌ی وه‌سفده‌كات بكرێنه‌ ئامانج.