مه‌سرور بارزانی: له په‌یدابوونی چه‌ند كه‌یسێكی ئۆمیكرۆن له دهۆك نیگه‌رانم
K24 – هه‌ولێر:
مه‌سرور بارزانی، سه‌رۆكی حكومه‌تی هه‌رێمی كوردستان، نیگه‌رانی خۆی له باره‌ی ده‌ركه‌وتنی چه‌ند حاڵه‌تێكی تووشبوون به ئۆمیكرۆن له دهۆك ده‌ربڕی و داوایكرد، هاووڵاتیان پێكوته‌ی كۆرۆنا وه‌ربگرن.
له تویتێكدا، كه له هه‌ژماری خۆی له تۆڕی كۆمه‌ڵایه‌تی تویته‌ر بڵاویكرده‌وه، سه‌رۆكی حكومه‌تی هه‌رێمی كوردستان نووسیویه‌تی: پەیدابوونی چەند کەیسێکی ئۆمیکرۆن لە دهۆک مایه‌ی نیگه‌رانین، وەزیری تەندروستیم راسپاردووە بۆ ئەوەی تیمەکانیان ھەوڵی سنووردارکردنی بڵاوبوونه‌وه‌ی بدەن.
له به‌شێكی دیكه‌ی تویته‌كه‌یدا، نووسیویه‌تی: داوا له كوردستانییان ده‌كه‌م پابەندبن به رێنماییەکان و ڤاكسین وه‌ربگرن بۆ ئەوەی کوردستان پارێزراو بێت.