ئه‌مه‌ریكا: ستایشی قوربانیدانی پێشمه‌رگه ده‌كه‌ین
کوردستان
كشانه‌وه‌ی ئه‌مه‌ریكا له عێراق
سوپای عێراق
باڵیۆزخانه‌ی ئه‌مه‌ریكا له به‌غدا
پێشمه‌رگه‌ی كوردستان
سوپای ئه‌مه‌ریكا
K24 – هه‌ولێر:
باڵیۆزخانه‌ی ئه‌مه‌ریكا، له به‌یاننامه‌یه‌كدا، پشتیوانی بۆ عێراق دووپاتكرده‌وه و ستایشی قوربانیدانی پێشمه‌رگه‌ی كرد.
به بۆنه‌ی رۆژی نیشتمانی سوپای عێراقه‌وه، كه هاوكات بوو له‌گه‌ڵ رۆژی پێنجشه‌ممه 6ی كانوونی دووه‌م، باڵیۆزخانه‌ی ئه‌مه‌ریكا له به‌غدا به‌یاننامه‌یه‌كی ده‌ركرد.
له به‌یاننامه‌كه‌دا هاتووه: هاوكات له‌گه‌ڵ به‌شداریمان له ئاهه‌نگ و خۆشی یادی 101 ساڵه‌ی دامه‌زراندنی سوپای عێراق، ئێمه‌ش دێینه رێزی هاوبه‌شه عێراقییه‌كانمان بۆ رێزگرتن له قوربانیدانی هێزه ئه‌منییه‌كانی عێراق، به پێشمه‌رگه‌وه.
هه‌روه‌ها هاتووه: ئه‌مه‌ریكا پابه‌ندی ته‌واوه به هاوبه‌شی ستراتیژی فره لایه‌ن له‌گه‌ڵ عێراق و به یاوه‌ری هاوبه‌شه عێراقییه‌كان به‌رده‌وام ده‌بێت له بنیاتنانی عێراقێكی گه‌شاوه و دیموكراتی و یه‌كگرتوو.