گرژییەکانی کازاخستان نرخی نەوتی دابەزاند

K24 - هەولێر

نرخی نەوت لە کۆتا رۆژەکانی مامەڵەی هەفتەیدا، بەهۆی نادڵنیاییەکان لە گرژییەکانی کازاخستان و پەککەوتنی بەرهەمهێنان لە لیبیا دابەزی.

نرخی نەوتی خاوی برێنت لە گرێبەستەکانی داهاتووی بۆ مانگی ئادار بە رێژەی 0.3% بۆ 81.75 دۆلار دابەزی، نرخی نەوتی سووکی رۆژئاوای تێکساسیش لە گرێبەستەکانی داهاتووی بە رێژەی 0.7% بۆ 78.90 دۆلار دابەزی.

لەسەر ئاستی هەفتانەشدا، نرخی هەردوو جۆری نەوتی خاو لە گرێبەستەکانی داهاتووی بە رێژەی 5% بۆ بەرزترین ئاستەکانی لە دوای مانگی تشرینی دووەم بەرزبووەوە.

هۆکاری سەرەکیش، گرژی و پێکدادانەکانی کازاخستانە، دەسەڵاتداری وڵاتەکە بە هاوکاری رووسیا شەقامەکانی ئەلماتای کۆنترۆڵکردەوە و توانیویەتی بەرپرچی شۆڕشی ناڕەزاییەکان خامۆش بکات.