گەنجێکی کورد بەشداری لە کۆڕبەندی لاوانی جیهان دەکات
K24 – کەرکووک
گەنجێکی کورد، لە وڵاتی میسر بەشداری لە کۆڕبەندی لاوانی جیهان دەکات، کە نوێنەری 190 وڵات تێیدا بەشدارن.
پەیوەند سوبحی، گەنجێكی کوردی شاری كەركووكە، وەك نوێنەری لاوانی هەرێمی كوردستان و عێراق لە وڵاتی میسر بەشداری لە كۆڕبەندی لاوانی جیهانی كردووە.
کۆربەندی لاوانی جیھان لەژێر رۆشنایی و ھاوکاری سەرۆکی کۆماری میسرەوە بەرێوە دەچێت، لە ساڵی 2017 بۆ یەکەم ساڵ ئەنجامدرا، ساڵی رابردوو بەھۆی ڤایرۆسی کۆرۆناوە ئەنجام نەدرا، ئەمساڵیش بە ئامادەبوونی نوێنەری 190 وڵاتی جیھاندا بەرێوەدەچێت و شەش رۆژ بەردەوام دەبێت.
ئەمساڵ بە بەشداری ژمارەیەکی زۆر لە راوێژکار و چالاکوانی جیھانی و نوێنەری وڵاتان و باڵیۆزی وڵاتان و نوێنەری ویلایەتە یەگرتووەکان بەڕێوەدەچێت.
پەیوەند سوبحی، وەکو ئەنجومەنی راوێژکاری لاوانی عێراق و نوێنەری لاوانی کوردستان، لەو کۆڕبەندە بەشدارە.