گه‌نجێك 25 ئۆتۆمبێلی تێسلا لە 13 وڵاتی جیاواز هاك دەکات
K24 - هه‌ولێر:
خاوەنی 25 ئۆتۆمبێل لە 13 وڵاتی جیاواز رەنگە دووچاری سەرسورڕمان بن کاتێک دەزانن ئۆتۆمبێلە تێسلاکانیان لە لایەن گه‌نجێکی ئەڵمانییەوە هاککراوە.
بە گوێرەی راپۆرتێکی ئاژانسی بلوومبێرگ، دەیڤد کۆلۆمبۆی تەمەن 19 ساڵان شارەزایەکی تەکنەلۆژیایە و لە تویتێکدا ئاشکرای کردووە، توانیویەتی 25 ئۆتۆمبێلی تێسلا هاك بکات.
ئەو کەسە ئاشکرای دەکات، توانیویەتی دەرگا و جامی ئۆتۆمبێلەکان بکاتەوە و دایانبخات، هەروەها بەگەڕیان بخات و دواتریش بیان کوژێنێتەوە، سەرەڕای ئەوەش سیستەمی بەرگرییەکانیان لە کاربخات.
لە راپۆرتەکەی بلوومبێرگدا هاتووە، ئەو گەنجە دەزانێت، کە ئایا ئۆتۆمبێلەکە شۆفێری تێدایە یان نا، هەروەها توانیویەتی دەستکاری سیستەمی دەنگی ئۆتۆمبێلەکە بکات و فول لایتەکانی دابگیرسێنێت.
لە هەمان کاتدا، گه‌نجه‌كه وردەکاری لەسەر بۆشاییە ئەمنی بەرنامەکە ئاشکرا نەکردووە، بەڵام ئاماژەی بەوەداوە پرۆگرامەکەی پەیوەندی بە پرۆگرامی تێسلا و ژێرخانەکەی نییە، تەنیا ژمارەیەکی زۆر کەمی خاوەنانی تێسلا لە جیهان کاریگەر بوونە.
ئەمە لە کاتێکدایە کۆمپانیای تێسلا سەکۆیەکی لە ئەمه‌ریکا هەیە، بۆ ئەوەی خاڵە لاوەزەکانی پرۆگرامی تێسلا ئاشکرا بکات، هەروەها شارەزایان دەتوانن ناویان تۆماربکەن، تاوەکو پشکنین بۆ تێسلا بکەن، بۆ ئەوەی خاڵە لاوازەکانی بدۆزنەوە، هەروەها کۆمپانیاکە 15 هەزار دۆلار بە هەر کەسێک دەدات، ئەگەر بۆشاییەکی ئەمنی لە پرۆگرامەکەی بدۆزێتەوە.
Nevertheless I now can remotely run commands on 25+ Tesla‘s in 13 countries without the owners knowledge.
— David Colombo (@david_colombo_) January 11, 2022
Regarding what I‘m able to do with these Tesla‘s now.
This includes disabling Sentry Mode, opening the doors/windows and even starting Keyless Driving.
[2/X]