کەشناسی هۆشداری دەدات
K24 – هەولێر
بەڕێوەبەرایەتی کەشناسی و بومەلەرزەزانی هەرێمی کوردستان لە راگەیەندراوێکدا هۆشداری دەدات، کە ئەم شەپۆلە بارانبارینە بەردەوام دەبێت و لە هەندێک کات و شوێندا لێزمە باران دەبێ و ئەگەری بەرزبوونەوەی ئاو هەیە.
کەشناسی لەو راگەیەندراوەدا ئاماژەی بەوەداوە: "دوای زیادبوونی کاریگەری ئەو شەپۆلەی رووی لە ناوچەکەمان کردووە، بارانبارین بەردەوامی دەبێت و لێزمە بارانیش بەردەوامی دەبێ لە زۆربەی ناوچەکان".
ئەوەشخراوەتەڕوو: له هەندێک کاتدا بەهۆی لێزمە بارانی بەردەوام مەترسی بەرزبوونەوەی ئاو لە ئارادایە".
بەگوێرەی پێشبینییەکانی کەشناسی، ئەو شەپۆلە بارانبارینە تا رۆژی دووشەممەی داهاتوو کاریگەری لەسەر هەرێمی کوردستان دەبێت.